জটাটবীগলজ্জলপ্রবাহপাবিতস্থলে
গলেবলংব্য লংবিতাং ভুজংগতুংগমালিকাম্ ।
ডমড্ডমড্ডমড্ডমন্নিনাদবড্ডমর্বযং
চকার চংডতাংডবং তনোতু নঃ শিবঃ শিবম্ ॥ 1 ॥
জটাকটাহসংভ্রমভ্রমন্নিলিংপনির্ঝরী-
-বিলোলবীচিবল্লরীবিরাজমানমূর্ধনি ।
ধগদ্ধগদ্ধগজ্জ্বলল্ললাটপট্টপাবকে
কিশোরচংদ্রশেখরে রতিঃ প্রতিক্ষণং মম ॥ 2 ॥
ধরাধরেংদ্রনংদিনীবিলাসবংধুবংধুর
স্ফুরদ্দিগংতসংততিপ্রমোদমানমানসে ।
কৃপাকটাক্ষধোরণীনিরুদ্ধদুর্ধরাপদি
ক্বচিদ্দিগংবরে মনো বিনোদমেতু বস্তুনি ॥ 3 ॥
জটাভুজংগপিংগলস্ফুরত্ফণামণিপ্রভা
কদংবকুংকুমদ্রবপ্রলিপ্তদিগ্বধূমুখে ।
মদাংধসিংধুরস্ফুরত্ত্বগুত্তরীযমেদুরে
মনো বিনোদমদ্ভুতং বিভর্তু ভূতভর্তরি ॥ 4 ॥
সহস্রলোচনপ্রভৃত্যশেষলেখশেখর
প্রসূনধূলিধোরণী বিধূসরাংঘ্রিপীঠভূঃ ।
ভুজংগরাজমালযা নিবদ্ধজাটজূটক
শ্রিযৈ চিরায জাযতাং চকোরবংধুশেখরঃ ॥ 5 ॥
ললাটচত্বরজ্বলদ্ধনংজযস্ফুলিংগভা-
-নিপীতপংচসাযকং নমন্নিলিংপনাযকম্ ।
সুধামযূখলেখযা বিরাজমানশেখরং
মহাকপালিসংপদেশিরোজটালমস্তু নঃ ॥ 6 ॥
করালফালপট্টিকাধগদ্ধগদ্ধগজ্জ্বল-
দ্ধনংজযাধরীকৃতপ্রচংডপংচসাযকে ।
ধরাধরেংদ্রনংদিনীকুচাগ্রচিত্রপত্রক-
-প্রকল্পনৈকশিল্পিনি ত্রিলোচনে মতির্মম ॥ 7 ॥
নবীনমেঘমংডলী নিরুদ্ধদুর্ধরস্ফুরত্-
কুহূনিশীথিনীতমঃ প্রবংধবংধুকংধরঃ ।
নিলিংপনির্ঝরীধরস্তনোতু কৃত্তিসিংধুরঃ
কলানিধানবংধুরঃ শ্রিযং জগদ্ধুরংধরঃ ॥ 8 ॥
প্রফুল্লনীলপংকজপ্রপংচকালিমপ্রভা-
-বিলংবিকংঠকংদলীরুচিপ্রবদ্ধকংধরম্ ।
স্মরচ্ছিদং পুরচ্ছিদং ভবচ্ছিদং মখচ্ছিদং
গজচ্ছিদাংধকচ্ছিদং তমংতকচ্ছিদং ভজে ॥ 9 ॥
অগর্বসর্বমংগলাকলাকদংবমংজরী
রসপ্রবাহমাধুরী বিজৃংভণামধুব্রতম্ ।
স্মরাংতকং পুরাংতকং ভবাংতকং মখাংতকং
গজাংতকাংধকাংতকং তমংতকাংতকং ভজে ॥ 10 ॥
জযত্বদভ্রবিভ্রমভ্রমদ্ভুজংগমশ্বস-
-দ্বিনির্গমত্ক্রমস্ফুরত্করালফালহব্যবাট্ ।
ধিমিদ্ধিমিদ্ধিমিধ্বনন্মৃদংগতুংগমংগল
ধ্বনিক্রমপ্রবর্তিত প্রচংডতাংডবঃ শিবঃ ॥ 11 ॥
দৃষদ্বিচিত্রতল্পযোর্ভুজংগমৌক্তিকস্রজোর্-
-গরিষ্ঠরত্নলোষ্ঠযোঃ সুহৃদ্বিপক্ষপক্ষযোঃ ।
তৃষ্ণারবিংদচক্ষুষোঃ প্রজামহীমহেংদ্রযোঃ
সমং প্রবর্তযন্মনঃ কদা সদাশিবং ভজে ॥ 12 ॥
কদা নিলিংপনির্ঝরীনিকুংজকোটরে বসন্
বিমুক্তদুর্মতিঃ সদা শিরঃস্থমংজলিং বহন্ ।
বিমুক্তলোললোচনো ললাটফাললগ্নকঃ
শিবেতি মংত্রমুচ্চরন্ সদা সুখী ভবাম্যহম্ ॥ 13 ॥
ইমং হি নিত্যমেবমুক্তমুত্তমোত্তমং স্তবং
পঠন্স্মরন্ব্রুবন্নরো বিশুদ্ধিমেতিসংততম্ ।
হরে গুরৌ সুভক্তিমাশু যাতি নান্যথা গতিং
বিমোহনং হি দেহিনাং সুশংকরস্য চিংতনম্ ॥ 14 ॥
পূজাবসানসমযে দশবক্ত্রগীতং যঃ
শংভুপূজনপরং পঠতি প্রদোষে ।
তস্য স্থিরাং রথগজেংদ্রতুরংগযুক্তাং
লক্ষ্মীং সদৈব সুমুখিং প্রদদাতি শংভুঃ ॥ 15 ॥
