ওঁ আধারভূতে চাধেয়ে ধৃতিরূপে ধুরন্ধরে।
ধ্রূবে ধ্রূবপদে ধীরে জগদ্ধাত্রী নমোহস্তু তে।।
শবাকারে শক্তিরূপে শক্তিস্থে শক্তিবিগ্রহে।
শাক্তাচার প্রিয়ে দেবী জগদ্ধাত্রী নমোহস্তু তে।।
জয়দে জগদানন্দে জগদেক প্রপূজিতে।
জয় সর্ব্বগতে দুর্গে জগদ্ধাত্রী নমোহস্তু তে।।
পরমাণু স্বরূপে চ দ্বণুকাদি স্বরূপিণি।
স্থূলাতি সূক্ষ্ম রূপেণ জগদ্ধাত্রী নমোহস্তু তে।।
সূক্ষ্মাতি সূক্ষ্ম রূপে চ প্রাণাপানাদিরূপিনী
ভাবাভাব স্বরূপে চ জগদ্ধাত্রী নমোহস্তু তে।।
কালাদিরূপে কালেশে কালাকাল বিভেদিনি।
সর্ব্ব স্বরূপে সর্ব্বজ্ঞে জগদ্ধাত্রী নমোহস্তু তে।।
মহাবিঘ্নে মহোৎসাহে মহামায়ে বলপ্রদে।
প্রপঞ্চাসারে সাধ্বীশে জগদ্ধাত্রী নমোহস্তু তে।।
অগম্যে জগতামাদ্যে মাহেশ্বরি বরাঙ্গনে।
অশেষ রূপে রূপস্থে জগদ্ধাত্রি নমোঽস্তু তে॥
দ্বিসপ্তকোটি মন্ত্রাণাং শক্তিরূপে সনাতনি।
সর্ব্ব শক্তি স্বরূপে চ জগদ্ধাত্রি নমোঽস্তু তে॥
তীর্থযজ্ঞ তপোদান যোগসারে জগন্ময়ি।
ত্বমেব সর্ব্বং সর্ব্বস্থে জগদ্ধাত্রি নমোঽস্তু তে॥
দয়ারূপে দয়াদৃষ্টে দয়াদ্রে দুঃখমোচনি।
সর্ব্বাপত্তারিকে দুর্গে জগদ্ধাত্রি নমোঽস্তু তে॥
অগম্য ধামাধামস্থে মহাযোগীশ হৃৎপুরে।
অমেয় ভাব কূটস্থে জগদ্ধাত্রি নমোঽস্তু তে॥যঃ পঠেৎ স্তোত্রমেতত্তু পূজান্তে সাধক উত্তমঃ।
সর্ব্ব পাপৎ বিনির্মুক্তঃ পূজা ফলং অবামুয়াৎ॥
॥ইতি শ্রীজগদ্ধাত্রীকল্পে জগদ্ধাত্রী স্তোত্রং সমাপ্তম্॥
